চৈয়দা আনৱাৰা টাইমুৰ এগৰাকী ভাৰতীয় ৰাজনীতিবিদ আছিল, যি ১৯৮০ চনৰ ৬ ডিচেম্বৰৰ পৰা ১৯৮১ চনৰ ৩০ জুনলৈ ভাৰতৰ ৰাজ্য অসমৰ মুখ্যমন্ত্ৰী আছিল। ২০২০ চনৰ ২৮ ছেপ্টেম্বৰত অষ্ট্ৰেলিয়াত তাইৰ মৃত্যু হয়। তেওঁ অসমত ভাৰতীয় জাতীয় কংগ্ৰেছ দলৰ এগৰাকী নেতা আৰু সৰ্বভাৰতীয় কংগ্ৰেছ সমিতিৰ (এআইচিচি) সদস্য আছিল
| অসমৰ অষ্টম মুখ্যমন্ত্ৰী | |
|---|---|
| কাৰ্যকাল ৬ ডিচেম্বৰ, ১৯৮০ – ৩০ জুন, ১৯৮১ | |
| পূৰ্বসূৰী | যোগেন্দ্ৰ নাথ হাজৰিকা |
| উত্তৰসূৰী | কেশৱ চন্দ্ৰ গগৈ |
| ব্যক্তিগত তথ্য | |
| জন্ম | ২৪ নৱেম্বৰ, ১৯৩৬ অসম প্ৰদেশ, ব্ৰিটিছ ভাৰত |
| মৃত্যু | ২৮ ছেপ্টেম্বৰ, ২০২০ (৮৩ বছৰ) অষ্ট্ৰেলিয়া |
| ৰাজনৈতিক দল | ভাৰতীয় জাতীয় কংগ্ৰেছ, পিছত সৰ্ব ভাৰতীয় সংযুক্ত গণতান্ত্ৰিক মৰ্চা |
| দাম্পত্যসঙ্গী | এম. এম. টাইমূৰ |
| শিক্ষানুষ্ঠান | আলিগড় বিশ্ববিদ্যালয় |
| জীৱিকা | ৰাজনীতি, প্ৰবক্তা |
Table of Contents
চমু পৰিচয় Personal life
তাই আলিগড় মুছলিম বিশ্ববিদ্যালয়ৰ পৰা অৰ্থনীতিৰ সন্মানেৰে স্নাতক ডিগ্ৰী লাভ কৰিছিল।
আনৱাৰা ১৯৫৬ চনত যোৰহাটৰ দেৱীচৰণ বৰুৱা ছোৱালী মহাবিদ্যালয়ৰ অৰ্থনীতিৰ প্ৰবক্তা আছিল।
ৰাজনৈতিক জীৱন
অসমৰ ইতিহাসত, তেওঁ ৰাজ্যখনৰ একমাত্ৰ মহিলা আৰু মুছলমান মুখ্যমন্ত্ৰী আছিল। তেওঁ ১৯৮০ চনৰ ৬ ডিচেম্বৰৰ পৰা ১৯৮১ চনৰ ৩০ জুনলৈ অসমৰ মুখ্যমন্ত্ৰী আছিল। ভাৰতীয় ইতিহাসতো, চৈয়দা আনৱাৰা টাইমুৰ যিকোনো ৰাজ্যৰ প্ৰথম মুছলমান মহিলা মুখ্যমন্ত্ৰী আছিল। মুখ্যমন্ত্ৰী হিচাপে তেওঁৰ কাৰ্যকাল শেষ হৈছিল যেতিয়া ৰাজ্যখনছয় মাহৰ বাবে ৰাষ্ট্ৰপতি শাসনৰ অধীনত ৰখা হৈছিল।
১৯৮৩ চনৰ পৰা ১৯৮৫ চনৰ ভিতৰত তেওঁ একেখন ৰাজ্যৰ পিডব্লিউডি মন্ত্ৰী আছিল
তেওঁ ১৯৭২, ১৯৭৮, ১৯৮৩ আৰু ১৯৯১ চনত অসম বিধানসভাৰ (বিধায়ক) নিৰ্বাচিত সদস্য আছিল। ১৯৮৮ চনত তেওঁ ভাৰতীয় সংসদলৈ (ৰাজ্যসভা) মনোনীত হয়। ১৯৯১ চনত তেওঁ ক অসমৰ কৃষি মন্ত্ৰীৰ পদত নিযুক্তি দিয়া হয়।
আনৱাৰাই ২০১১ চনত অল ইণ্ডিয়া ইউনাইটেড ডেমক্ৰেটিক ফ্ৰণ্টত যোগদান কৰিছিল। আনৱাৰা হৈছে 2018 চনৰ ৰাষ্ট্ৰীয় নাগৰিক পঞ্জীৰ (এনআৰচি) চূড়ান্ত খচৰাত অন্তৰ্ভুক্ত নোহোৱা উল্লেখযোগ্য নামবোৰৰ ভিতৰত, যাৰ বাবে, তেওঁ পিছত স্পষ্ট কৰিছিল যে তেওঁৰ পৰিয়ালৰ সদস্যসকলে তেওঁৰ নাম তালিকাত অন্তৰ্ভুক্ত কৰিবলৈ আবেদন কৰা নাছিল।
মুখ্যমন্ত্ৰী পদত
যোগেন্দ্ৰ নাথ হাজৰিকাৰ মন্ত্ৰীসভাৰ পতনৰ পিছত, ১৯৭৯ চনৰ ১২ ডিচেম্বৰৰ পৰা অসমত ৰাষ্ট্ৰপতি শাসন প্ৰৱৰ্তন কৰা হয়। কেইবামাহো ৰাষ্ট্ৰপতি শাসন চলোৱাৰ অন্তত, প্ৰধানমন্ত্ৰীৰ নিৰ্দেশক্ৰমে কংগ্ৰেছ (ই) দলৰ নেত্ৰী চৈয়দা আনোৱাৰা টাইমূৰক অসমৰ মুখ্যমন্ত্ৰীৰ দায়িত্বভাৰ দিয়া হয়। ১৯৮০ চনৰ ৬ ডিচেম্বৰত তেওঁ অসমৰ মুখ্যমন্ত্ৰীৰূপে শপত গ্ৰহণ কৰে। এনেদৰে অসমত ৰাষ্ট্ৰপতি শাসনৰ অন্ত পৰে।
চৈয়দা আনোৱাৰা টাইমূৰে দায়িত্ব লোৱাৰ সময়ত, অসমত বিদেশী বহিষ্কৰণ আন্দোলন চলি আছিল। অসমত অবৈধভাৱে অনুপ্ৰৱেশ কৰি, অসমৰ মাটিত স্থায়ীভাৱে বসবাস কৰিবলৈ লোৱা হাজাৰ হাজাৰ বাংলাদেশী লোকক অসমৰ মাটিৰ পৰা বহিষ্কৰণ কৰাৰ দাবীত সদৌ অসম ছাত্ৰ সন্থা আৰু গণ সংগ্ৰাম পৰিষদে অসমত তীব্ৰ এক আন্দোলন গঢ়ি উঠিছিল। অসমত এই আন্দোলন এক জাতীয় আন্দোলন ৰূপে গঢ়ি উঠিছিল। টাইমূৰ চৰকাৰে এই সমস্যাটো আলোচনাৰ মাজেৰে সমাধান নকৰি কঠোৰ স্থিতি গ্ৰহণ কৰিছিল। তেওঁ পুলিচৰ হাতত অধিক ক্ষমতা প্ৰদান কৰি, এই আন্দোলন চি. আৰ. পি.ৰ হতুৱাই মষিমূৰ কৰিবলৈ চেষ্টা কৰিছিল। সেই সময়ত অসমৰ বাতৰি কাকত সমূহে অসম আন্দোলনক পূৰ্ণ সমৰ্থন আগবঢ়াইছিল। সেয়ে টাইমূৰ চৰকাৰে অসমৰ বাতৰি কাকত আৰু আলোচনীসমূহত চেন্সৰ আদেশশ জাৰী কৰে। বিশেষকৈ দৈনিক অসম, অগ্ৰদূত, জনমভূমি আদি কাকতৰ ওপৰত চৰকাৰে চোকা নজৰ ৰাখিছিল।[2]
প্ৰায় সাত মাহ কাল শাসনকাৰ্য চলোৱাৰ পাছত আনোৱাৰা টাইমূৰৰ চৰকাৰখনৰ শোচনীয় পতন ঘটে। ১৯৮১ চনৰ ৩০ জুনত চৈয়দা আনোৱাৰা টাইমূৰে মুখ্যমন্ত্ৰী পদৰ পৰা পদত্যাগ কৰে। ইয়াৰ পিছতে অসমত পুনৰ ৰাষ্ট্ৰপতি শাসনৰ প্ৰৱৰ্তন হয়।
মৃত্যু
২০২০ চনৰ ২৮ ছেপ্টেম্বৰত অষ্ট্ৰেলিয়াত হৃদৰোগত আক্ৰান্ত হৈ টাইমুৰৰ মৃত্যু হয়, য’ত তেওঁ তেওঁৰ পুত্ৰৰ সৈতে যোৱা চাৰি বছৰ ধৰি আছিল।